ಮಟ್ಕಾ ಕಿಂಗ್

ಬ್ರಿಜ್ ಭಟ್ಟಿ ಸಾಲದಲ್ಲಿ ಮುಳುಗಿರುವ ಒಬ್ಬ ಹತ್ತಿ ವಿನಿಮಯ ಕೇಂದ್ರದ ನೌಕರ. ಅವನಿಗೆ ಗರ್ಭಿಣಿ ಪತ್ನಿ ಹಾಗೂ ದಿಕ್ಕರಿಯದ ತಮ್ಮನಿದ್ದಾನೆ. ಮನೆಬಾಗಿಲಿಗೆ ಬಂದಿರುವ ಕ್ರೂರ ಲೇವಾದೇವಿಗಾರರು ಹಾಗೂ ಭರವಸೆಯೊಂದೇ ಏಕೈಕ ಬಂಡವಾಳವಾಗಿರುವಾಗ, ಬ್ರಿಜ್‍ಗೆ ಬದುಕನ್ನೇ ಬದಲಿಸುವ ಆಯ್ಕೆಯೊಂದು ಮುಖಾಮುಖಿಯಾಗುವುದು: ತನ್ನನ್ನು ಕುಗ್ಗಿಸುವ ವಿಧಿಗೆ ಶರಣಾಗುವುದು ಅಥವಾ ಜೂಜಾಟದ ವ್ಯವಸ್ಥೆಯಲ್ಲಿ ಕ್ರಾಂತಿ ಮಾಡುವುದು, ಇದು ಸ್ವತಃ ಬ್ರಿಜ್‌ಗೇ ತಿಳಿಯದಂತಹ ವ್ಯಾಪಕ ಪರಿಣಾಮಗಳನ್ನು ಬೀರುವ ಒಂದು ನಡೆ.

ಮಟ್ಕಾ ಬ್ರಿಜ್‌ಗೆ ಅದೃಷ್ಟ ಹಾಗೂ ವಿರೋಧಿಗಳ ಗುರಿ ಎರಡನ್ನೂ ತಂದಾಗ, ಅವನ ನಿಷ್ಠೆ ಪರೀಕ್ಷೆ ನಡೆಯುತ್ತದೆ. ನವಜಾತ ಶಿಶುವನ್ನೇ ತನ್ನ ಅದೃಷ್ಟದ ಸಂಕೇತವಾಗಿಸಿಕೊಂಡು, ಬ್ರಿಜ್ ಆಟವನ್ನು ಮರುರೂಪಿಸುವನು, ಬಾಂಬೆಯ ಜನಜಂಗುಳಿಯ ಜವಳಿ ಗಿರಣಿಗಳಲ್ಲಿ ಮಟ್ಕಾವನ್ನು ಹರಡುವನು. ಒಬ್ಬ ಪತ್ರಕರ್ತ ಮಟ್ಕಾದ ಏಳಿಗೆಯ ಬಗ್ಗೆ ತನಿಖೆ ಶುರುಮಾಡುವಾಗ, ನಿಗೂಢ ವ್ಯಕ್ತಿತ್ವದ ಗುಲ್ರುಖ್ ಆಟದ ಮೋಡಿಗೆ ಮಾರುಹೋಗುವಳು. ಲಾಲ್ಜಿಭಾಯಿ ಬೆಳೆಯುತ್ತಿರುವ ಸಾಮ್ರಾಜ್ಯದ ಅಳಿವಿಗೆ ಸಂಚು ರೂಪಿಸಿ, ಬಹುತೇಕ ಯಶಸ್ವಿಯಾಗುವನು.

ಗುಲ್ರುಖ್‍ಳ ಮೂಲಕ ಬ್ರಿಜ್ ಮುಂಬೈನ ಗಣ್ಯರ ವರ್ಗ ಸೇರಿದರೂ, ನಗರದ ಪರಂಪರಾಗತ ಶ್ರೀಮಂತರ ನಡುವೆ ನೆಲೆಗಾಣಲು ಪರದಾಡುವನು. ಮಟ್ಕಾ ದೇಶಾದ್ಯಂತ ಆವರಿಸುತ್ತಿದ್ದಂತೆ, 'ಮಟ್ಕಾ ಕಿಂಗ್' ವಿರುದ್ಧ ಪತ್ರಕರ್ತ ಟಿಪಿ ಅಧಿಕಾರಿಗಳನ್ನು ಒಗ್ಗೂಡಿಸುವನು, ಅದೇ ವೇಳೆ ಪೊಲೀಸ್ ನಿರೀಕ್ಷಕ ಏಕ್ನಾಥ್ ರಹಸ್ಯ ಕಣ್ಗಾವಲು ಶುರುಮಾಡುವನು. ಸಚಿವ ಬಾಪಟ್ ರಾಜ್ಯಮಟ್ಟದ ಹಸ್ತಕ್ಷೇಪಕ್ಕೆ ಸಂಚು ರೂಪಿಸುತ್ತಿದ್ದರೆ, ಅತ್ತ ದುರಾಸೆ-ಮಹತ್ವಾಕಾಂಕ್ಷೆಯಿಂದಾಗಿ ಬ್ರಿಜ್ ಸಾಮ್ರಾಜ್ಯದ ಆಂತರಿಕ ಭ್ರಷ್ಟತೆ ಶುರುವಾಗುವುದು.

ಬ್ರಿಜ್‌ನ ಪ್ರಭಾವವನ್ನು ಮುರಿಯಲು ಸರ್ಕಾರವು ಪೈಪೋಟಿಯ ಯೋಜನೆಯೊಂದನ್ನು ಶುರುಮಾಡುತ್ತಿದ್ದಂತೆ ಅಸ್ತಿತ್ವ ಉಳಿಸಿಕೊಳ್ಳಲು ನಾವೀನ್ಯತೆಯ ಅಗತ್ಯವಿರುತ್ತದೆ. ವಿಭಿನ್ನವಾಗಿ ಆಲೋಚಿಸುವ ಅನಿವಾರ್ಯತೆಗೆ ಸಿಲುಕಿ, ಬ್ರಿಜ್ ಭಾರತದಾದ್ಯಂತ ತನ್ನ ಜಾಲವನ್ನು ವಿಸ್ತರಿಸುತ್ತಾನೆ, ಆದರೆ ಯಶಸ್ಸಿಗೆ ಭಾರೀ ತ್ಯಾಗ ಬೇಕಾಗುತ್ತದೆ. ಆಪ್ತ ವಲಯದೊಳಗೆ ನಂಬಿಕೆಯು ಒಡೆಯುತ್ತದೆ, ಮತ್ತು ಲಗಾಮಿಲ್ಲದ ದುರಾಸೆ ಎಲ್ಲವನ್ನೂ ಹಾಳುಮಾಡಲು ಮುಂದಾದಾಗ ಶತ್ರುವೊಬ್ಬ ಅತ್ಯಂತ ನೋವಾಗುವ ಜಾಗದಲ್ಲೇ ಹೊಡೆಯುತ್ತಾನೆ.

ಬ್ರಿಜ್ ಪೂರ್ತಿ ಹೊಸ ಸಾರ್ವಜನಿಕ ವರ್ಚಸ್ಸನ್ನು ಅಳವಡಿಸಿಕೊಳ್ಳುವನು, ನೋಟವನ್ನೇ ತಂತ್ರವನ್ನಾಗಿ ಬದಲಾಯಿಸುತ್ತಾನೆ. ಹೊಸ ಸ್ನೇಹಗಳು ಬೆಳೆಯುತ್ತಿರುವಾಗಲೇ, ಹಳೆಯ ಅಡಿಪಾಯಗಳಲ್ಲಿ ಆಳವಾದ ಬಿರುಕುಗಳು ತೆರೆದುಕೊಳ್ಳುತ್ತವೆ. ಆಟವು ಅವನ ಕೌಟುಂಬಿಕ ಬದುಕಿಗೆ ತರುವ ಸಂಕಷ್ಟದಿಂದಾಗಿ, ಬ್ರಿಜ್ ಹೃದಯವಿದ್ರಾವಕ ನಿರ್ಧಾರ ಕೈಗೊಳ್ಳುವಂತಾಗುವುದು. ಸಚಿವ ಬಾಪಟ್ ಅವನನ್ನು ಮೂಲೆಗುಂಪಾಗಿಸಲು ನೋಡುತ್ತಿದ್ದಂತೆ, ಪೂರಾ ಇಕ್ಕಟ್ಟಿಗೆ ಸಿಲುಕಿದಾಗಲೇ ತಾನು ಅತಿ ಅಪಾಯಕಾರಿ ಎಂದು ಬ್ರಿಜ್ ಸಾಬೀತುಪಡಿಸುವನು.

ಮಾಧ್ಯಮಗಳ ಗಮನ ತಾರಕಕ್ಕೇರುತ್ತಿದ್ದಂತೆ, ಬರ್ಖಾಗೆ ತನ್ನ ಪತಿಯ ಕುಖ್ಯಾತಿಯ ಭಾರೀ ಹೊರೆಯ ಅರಿವಾಗುತ್ತದೆ. ಭವ್ಯ ಆಚರಣೆಗಳ ನಡುವೆ, ದಗ್ಡು ಆಳವಾದ ವೈಯಕ್ತಿಕ ನಷ್ಟ ಅನುಭವಿಸುತ್ತಾನೆ, ಮತ್ತು ಗುಲ್ರುಖ್ ತನ್ನ ಸ್ವಂತ ವ್ಯವಹಾರಕ್ಕಾಗಿ ಸ್ವಾತಂತ್ರ್ಯ ಬಯಸುತ್ತಾಳೆ. ಮಟ್ಕಾ ಬಾಂಬೆಯ ಪ್ರತಿಯೊಬ್ಬ ನಾಗರಿಕರ ಮನೆಗಳು, ವೃತ್ತಿಗಳು, ಮತ್ತು ಆತ್ಮಸಾಕ್ಷಿಗಳಿಗೆ ವ್ಯಾಪಿಸುತ್ತಿದ್ದಂತೆ, ನಿರೀಕ್ಷಕ ಏಕ್ನಾಥ್ ವ್ಯವಸ್ಥೆಯ ಮೇಲಿನ ತನ್ನ ನಂಬಿಕೆಯನ್ನು ಪ್ರಶ್ನಿಸಲು ತೊಡಗುತ್ತಾನೆ.