മട്ക്ക കിങ്

കടക്കെണിയിലായ ഒരു പരുത്തി എക്സ്ചേഞ്ച് തൊഴിലാളിയാണ് ബ്രിജ് ഭട്ടി. ഗർഭിണിയായ ഭാര്യയും ലക്ഷ്യബോധമില്ലാത്ത അനിയനുമാണ് അയാൾക്കുള്ളത്. കഴുത്തറപ്പൻ പലിശക്കാർ വാതിൽക്കൽ നിൽക്കെ വിധിക്ക് കീഴടങ്ങണോ അതോ ചൂതുകളി സംവിധാനത്തെ മാറ്റിമറിച്ച് തൻ്റെ തന്നെ ജീവിതം മാറ്റുന്ന ഒരു തീരുമാനമെടുക്കണോ എന്ന് അയാൾ ചിന്തിക്കുന്നു. എന്നാൽ ഇതിൻ്റെ പ്രത്യാഘാതങ്ങളെപ്പറ്റി ബ്രിജിനുപോലും ധാരണയില്ലായിരുന്നു.

മട്ക്ക ബ്രിജിന് ഭാഗ്യവും ഒപ്പം ശത്രുക്കളെയും കൊണ്ടുവരുമ്പോൾ അയാളുടെ സത്യസന്ധത പരീക്ഷിക്കപ്പെടുന്നു. തനിക്കുണ്ടായ കുഞ്ഞ് ഭാഗ്യം കൊണ്ടുവന്നപ്പോൾ അയാൾ കളി പരിഷ്കരിച്ച് ബോംബേയിലെ ടെക്സ്റ്റൈൽ മില്ലുകളിലേക്ക് മട്ക്ക വ്യാപിപ്പിക്കുന്നു. ഒരു പത്രപ്രവർത്തകൻ മട്ക്കയെക്കുറിച്ച് അന്വേഷിക്കുകയും ഗുൽരുഖ് ആ കളിയിലേക്ക് ആകർഷിക്കപ്പെടുകയും ചെയ്യുന്നു. ഈ സാമ്രാജ്യം തകർക്കാൻ ലാൽജി ഭായ് ഒരു പദ്ധതി തയ്യാറാക്കുന്നു.

ഗുൽരുഖിലൂടെ ബ്രിജ് മുംബൈയിലെ സമ്പന്നരുടെ ലോകത്തേക്ക് കടക്കുന്നു. മട്ക്ക രാജ്യമെമ്പാടും പടരുമ്പോൾ, റിപ്പോർട്ടർ ടിപി ഉദ്യോഗസ്ഥരെ 'മട്ക്ക കിങി'നെതിരെ തിരിക്കുന്നു. അതേസമയം ഇൻസ്പെക്ടർ ഏക്നാഥ് രഹസ്യമായി മട്ക്ക പ്രവർത്തനങ്ങൾ നിരീക്ഷിക്കാൻ തുടങ്ങുന്നു. മന്ത്രി ബാപ്പട്ട് സംസ്ഥാനതലത്തിൽ ഇതിനെതിരെ ഇടപെടാൻ പദ്ധതിയിടുമ്പോൾ അത്യാഗ്രഹവും മോഹങ്ങളും ബ്രിജിൻ്റെ സാമ്രാജ്യത്തെ ഉള്ളിൽ നിന്ന് തകർക്കാൻ തുടങ്ങുന്നു.

ബ്രിജിൻ്റെ സ്വാധീനം തകർക്കാൻ സർക്കാർ ഒരു പുതിയ പദ്ധതി കൊണ്ടുവരുമ്പോൾ പിടിച്ചുനിൽക്കാൻ അയാൾ ഇന്ത്യയിലുടനീളം തൻ്റെ കളി വ്യാപിപ്പിക്കുന്നു. എന്നാൽ ഈ വിജയത്തിന് വലിയൊരു വില കൊടുക്കേണ്ടി വരുന്നു. സ്വന്തം ആളുകൾക്കിടയിലെ വിശ്വാസം തകരുകയും അത്യാഗ്രഹം മൂലം ശത്രുക്കൾ ഏറ്റവും വേദനിപ്പിക്കുന്ന രീതിയിൽ അയാളെ ആക്രമിക്കുകയും ചെയ്യുന്നു.

പൊതുജനങ്ങൾക്കു മുന്നിൽ ബ്രിജ് തൻ്റെ പ്രതിച്ഛായ മാറ്റുന്നു. പുതിയ ബന്ധങ്ങൾ ഉടലെടുക്കുമ്പോൾ പഴയവ തകരുന്നു. ഈ കളി അയാളുടെ കുടുംബജീവിതത്തെ ബാധിക്കുന്നതിനാൽ ബ്രിജിന് ഏറെ വിഷമിപ്പിക്കുന്ന ഒരു തീരുമാനമെടുക്കേണ്ടി വരുന്നു. മന്ത്രി ബാപ്പട്ട് അയാളെ കുടുക്കാൻ ശ്രമിക്കുമ്പോൾ, സമ്മർദ്ദത്തിലാവുമ്പോഴാണ് താൻഏറ്റവും വലിയ അപകടകാരിയാകുന്നതെന്ന് ബ്രിജ് തെളിയിക്കുന്നു.

മാദ്ധ്യമശ്രദ്ധ വല്ലാതെ കൂടുമ്പോൾ, ഭർത്താവിൻ്റെ കുപ്രസിദ്ധി ബർഖയെ ബാധിക്കുന്നു. വലിയ ആഘോഷങ്ങൾക്കിടയിൽ ദഗ്ഡുവിന് വലിയൊരു നഷ്ടം സംഭവിക്കുന്നു. ഗുൽരുഖ് സ്വന്തം ബിസിനസ്സിൽ സ്വാതന്ത്ര്യം ആഗ്രഹിക്കുന്നു. ബോംബെയിലെ ജനങ്ങളുടെ വീടുകളിലേക്കും ജോലികളിലേക്കും മനസ്സാക്ഷിയിലേക്കും മട്ക്ക കടന്നുകയറുമ്പോൾ ഇൻസ്പെക്ടർ ഏക്നാഥിന് സിസ്റ്റത്തിലുള്ള വിശ്വാസം നഷ്ടപ്പെടുന്നു.